Guión: Ri kich’ojib’al k’aslemal ri achamaq’i’, jun atowab’äl xjuch’ kuma ri tinamital pa ri juna’ 2007. Re wuj re’ nusöl chi qawäch achike ri k’o chi nikib’än ri chanpomanela’ chi ruya’ik kiq’ij ri kich’ojib’al ri qawinaq. Ri ruka’n mokaj tzij richin re q’alajrisanem re’ ke re’ nub’ij :
Ri tinamït chuqa' ri achamaq'i' rije' k'o kijamalil chuqa' junam kejqalem kik'in ri ch'aqa' chik taq tinamït chuqa' kik'in ch'aqa' chik winaqi' chuqa' k'o kich'ojib'al richin mani yetz'ilöx ri kich'ojib'al, achi'el ruma ri kixe'el o ruma ri kib'anikil ri achamaq'i'.
Re jun mokaj tzij re’ nub’ij chi qe chi ri tinamït e qawinaq junam kiq’ij junam kejqalem achi’el xa b’achike tinamït winaqi’ chuwäch ruwach’ulew. Majun ta jun tinamït ik’owinäq ta ruq’ij chuwäch jun chik, man ruma ta kitzyaqb’al, man ruma ta ri kiwayb’al chuqa’ kich’ab’äl. Ri Chanpomanela’ k’o chi nkichajij chi ri tinamït e qawinaq man ketz’ilöx man kejech’üx kan, we k’o re k’ayewal re’ tiya’ kito’ïk, man ruma ta e qawinaq yejech’üx kan.
Ch’aqa chik rutzijol nawil pa cs.org/derechos
Musicalización: “Paxil Kyopa'”, K'oxomal Winaqil