Guión: Ri kich’ojib’al k’aslemal ri achamaq’i’, jun atowab’äl xjuch’ kuma ri tinamital pa ri juna’ 2007. Re wuj re’ nusöl chi qawäch achike ri k’o chi nikib’än chuqa’ ri man ruk’amon ta nikib’än ri chanpomanela’ chi ruya’ik kiq’ij ri kich’ojib’al ri qawinaq. Ri mokaj tzij 13 richin re q’alajrisanem re’ ke re’ nub’ij chi qe:
1. Ri achamaq’i’ k’o kich’ojib’al richin niya' ruchuq'a', rokisaxik, nkiq’alajirisaj chi ke ri winaqi’ ri k’a ri’ yek’iy pe, tikik’utu’ ri rutzijob’al ri kik’aslem, ri ch’ab’äl, ojer taq k’utb’äl, ri retamab’alil ch’ob’oj mayoj, rub’eyal ri tz’ib’anïk chuqa’ ri lema’ taq tzij, chuqa’ tikitz’uku’ rub’i’ ri kitinamit, kik’ojlemal chuqa’ ri winaqi’, xa xe k’o chi nkichajij.
2. Ri Saqamaq’ xtikiya’ utziläj taq to’ïk richin njikib’äx ri ruchajinem ri ch’ojib’äl chuqa’ richin niya’ kejqalem ri achamaq’i’ richin niq’ax chi kiwäch, chuqa’ tiq’ax chi kiwäch rub’eyal ri na’ojil, ri taqonem taq tzij chuqa’ ri nuk’üy samaj ri niya’ chi ke rije’, toq tikirel chuqa’ niya’ kito’ik richin nq’axäx kitzij o kina’oj pa kich’ab’äl o ch’aqa’ chik taq to’ïk.
Re mokaj tzij re’ ke re’ nuq’ajuj: Ri tinamït e qawinaq k’o kich’ojib’al chi rukolik ri rutzijob’al kib’anob’al, ri kich’ab’äl, ri rutz’ib’axik kich’ab’äl chuqa’ rokisaxik rub’i’ ri kitinamit pa kich’ab’äl, ke chuqa’ ri’ kib’i’ ri kalk’wal kime’al chuqa’ ruk’utik re na’oj re’ chi man tik’is qa. Ri tinamït e qawinaq tikirel nkich’ojij chi ke’ak’axäx chi kek’ul pa kich’ab’äl, achi’el pa q’atb’äl tzij k’o ta chi k’o jun winäq niq ‘axan kitzij. Konojel ri Saqamaq’ k’o chi nikiya’ rejqalem re jun rub’eyal samaj re’.
Ch’aqa chik rutzijol nawil pa cs.org/derechos
Musicalización: “Ruk'u'x kotz'i'j”, K'oxomal Winaqil