Guión: Ri kich’ojib’al k’aslemal ri achamaq’i’, jun atowab’äl xjuch’ kuma ri tinamital pa ri juna’ 2007. Re wuj re’ nusöl chi qawäch achike ri k’o chi nikib’än chuqa’ ri man ruk’amon ta nikib’än ri chanpomanela’ chi ruya’ik kiq’ij ri kich’ojib’al ri qawinaq.
Ri mokaj tzij 24 richin re q’alajrisanem re’ ke re’ nub’ij:
1. Ri achamaq'i' k'o kich'ojib'al richin nkokisaj ri aq'om q'ayïs, chuqa' ruchajixik ri rub'anik ri raxnaqil, chuqa' kichajinem ri aq’om q'ayïs chuqa' ri ya'ab'äj ri nk'atzin chupam ri k'aslemal. Ri winaqi' e achamaq'i' k'o kich'ojib'al richin nkokisaj ri jalajöj taq chanpomal patan chuqa' tikichajij ri kiraxnaqil.
2. Ri winaqi' k'o kich'ojib'al richin junam tiya' rejqalem ri raxnaqil ri kich'akulaj chuqa' ri kina'oj. Ri Saqamaq' xtikiya' rejqalem richin nkiq'i' rokisaxik re ch'ojib'äl re'.
Re jun mokaj tzij re’ ja re’ nuq’ajuj: ri tinamït qawinaq k’o kich’ojib’al pa rokisaxik ri aq’omanïk pa kina’oj ri kalaxib’en pe, chuqa’ ruya’on pe rutzil pa kik’aslem. Chuqa’ k’o kich’ojib’al pa ruwi’ uxnaqilal achi’el ri ch’aqa chik winaqi’, ke’aq’omäx, tiya’ kaq’om ; achi’el ri aq’omanïk k’atzinel niya’ chi ke ri ixoqi’ koyob’en jun ak’wal.
Ri chanpomanela’ k’o chi nkisamajij ri ch’ojib’äl pa ruwi’ ri uxnaqilal.
Ch’aqa chik rutzijol nawil pa cs.org/derechos
Musicalización: “Iyom- Mamom”, K'oxomal Winaqil