Guión: Ri kich’ojib’al k’aslemal ri achamaq’i’, jun atowab’äl xjuch’ kuma ri tinamital pa ri juna’ 2007. Re wuj re’ nusöl chi qawäch achike ri k’o chi nikib’än chuqa’ ri man ruk’amon ta nikib’än ri chanpomanela’ chi ruya’ik kiq’ij ri kich’ojib’al ri qawinaq.
Ri mokaj tzij 31 richin re t q’alajrisanem re’ ke re’ nub’ij.
1. Ri achamaq’i’ k’o kich’ojib’al richin nkisamajij, nkichajij chuqa’ nkik’iyirisaj ri rub’eyomal ri kib’anob’al, ri jalajöj ketamab’al, ruq’alajirisaxik ri kib’anob’al, rutzijol ri ojer taq ketamab’al, ri k’ak’a’ taq ketamab’al, ri samajela’, ri tiko’n, ri jalajöj kiwäch ri ija’tz, ri aq’om, ri etamab’äl chi rij ri jalajöj kiwäch ri q’ayïs chuqa’ ri chikopi’, ri ojer taq tzijonem, ri lema’ taq tzij, ri wachib’äl, ri ojer taq etz’anem, chuqa’ ri jalajöj ketamab’al ri akuchi’ tikirel natz’ët chuqa’ nach’ob’ ri kik’utb’al. Chuqa’ k’o kich’ojib’al richin nkisamajij, nkichajij chuqa’ nkik’iyirisaj rejqalem ri rub’eyomal ri kib’anob’al, ri jalajöj ketamab’al, ruq’alajirisaxik ri kib’anob’al, rutzijol ri ojer taq ketamab’al.
2. Konojel ri achamaq’i’, chuqa’ ri Saqamaq’ junam xkesamäj richin nkiya’ rejqalem chuqa’ xtikichajij rusamajixik ronojel re samaj re’.
Re jun mokaj tzij re’ ja re’ nuq’ajuj: Ri qawinaq e rajaw ri kib’anob’al, e rajaw ri rutzijob’al kib’anob’al, achi’el ri xajoj, xukulem, tzyaqb’al, kib’aqil kichajil ri kati’t kimama’. Ke k’a chuqa’ ri’ e rajaw chi re ri na’oj etamab’äl, achi’el pa ruwi’ ri aq’om q’ayïs, ri ojer taq ija’tz, ri winaqi’ tikirel nkichajij achike nokisan richin re na’oj re’.
Ch’aqa chik rutzijol nawil pa cs.org/derechos
Musicalización: “Nan Tat”, K'oxomal Winaqil