Guión: Ri kich’ojib’al k’aslemal ri achamaq’i’, jun atowab’äl xjuch’ kuma ri tinamital pa ri juna’ 2007. Re wuj re’ nusöl chi qawäch achike ri k’o chi nikib’än chuqa’ ri man ruk’amon ta nikib’än ri chanpomanela’ chi ruya’ik kiq’ij ri kich’ojib’al ri qawinaq.
Ri mokaj 32 richin re q’alajrisanem re’ ke re’ nub’ij.
1. Ri achamaq’i’ k’o kich’ojib’al richin nkinük’ jalajöj taq rub’eyal richin nkik’iyirisaj o rokisaxik ri kulew, ri kitinamit chuqa’ ch’aqa’ chik taq to’ob’äl.
2. Ri Saqamaq' xtikik'utuj q'ij chuqa' xtikiya' jun utziläj to'ïk chi ke ri achamaq'i', ruma rub'eyal ri kimolojri'ïl, richin nab'ey nk'utüx na q'ij chi ke ri achamaq'i' we nkiya' q'ij o manäq, k'a ri' tinuk' jalajöj taq samaj richin tikirel nokisäx ri kulew, ri tinamït chuqa' ch'aqa' chik taq samajib'äl, achi'el toq nuya' k'iyirisanem chupam ri tinamït, ruma ruk'otik ri ulew richin nilitäj jalajöj ruwäch ri ya'ab'äj o ri q'anapwaq, ri yesamäj chupam ri ya' o ch'aqa' chik ruwäch ri ab'äj.
3. Ri Saqamaq’ xtikikanoj jalajöj taq rub’eyal richin nkib’än utzil ri jalajöj ruwäch taq samaj, 12 chuqa’ xtikikanoj rub’eyal richin nib’an utzil ri k’ayewal ri k’o chupam ri rutikomal ri ruwach’ulew, chuqa’ ri pwaq, kik’in ri winaqi’, chuqa’ ri b’anob’äl o ri kuqub’ab’äl k’u’x.
Re jun mokaj tzij re’ ja re’ nuq’ajuj: Ri qawinaq majun niq’aton kichin runojixik rub’eyal nkichajij ruk’aslem ri kulew chuqa’ ronojel ri k’o chuwäch. Ruma ri’ ri chanpomanela’ k’o chi yekik’ulb’ej ri qawinaq toq nina’ojïx rub’anik jun samaj pa kulew o chi runaqaj kulew ri qawinaq, richin man ketz’ilöx ri kulew chuqa’ ri raqän taq ya’.
Ch’aqa chik rutzijol nawil pa cs.org/derechos
Musicalización: “Nan Tat”, K'oxomal Winaqil