Guión: Ri kich’ojib’al k’aslemal ri achamaq’i’, jun atowab’äl xjuch’ kuma ri tinamital pa ri juna’ 2007. Re wuj re’ nusöl chi qawäch achike ri k’o chi nikib’än chuqa’ ri man ruk’amon ta nikib’än ri chanpomanela’ chi ruya’ik kiq’ij ri kich’ojib’al ri qawinaq.
Ri mokaj tzij 34 richin re q’alajrisanem ke re’ nub’ij.
Ri achamaq'i' k'o kich'ojib'al richin nkiya' rejqalem, ruk'iyirisanem chuqa' ruchajixik ri runuk'uxik ri kimolojri'ïl chuqa' ri ojer taq kik'utb'al, ri kuqub'ab'äl k'u'x, ri b'anob'äl, rub'eyal ri kisamaj, chuqa' toq e k'o ri ojer taq k'utb'äl o rub'eyal ri taqonem taq tzij, achi'el ri kitaqonem tzij ri aj juk'an chik tinamït pa ruwi' ri kich'ojib'al k'aslemal ri winaqi'.
Re jun mokaj tzij re’ ja re’ nuq’ajuj: chi ri qawinaq majun niq’aton kichin nikinük’ ki’ pa kina’oj, achi’el ri k’amoj b’ey, ri kitaqonem tzij, ri rokisaxik xa kan junam kejqalem kik’in ri ch’aqa chik, kan ruch’ojib’al k’aslemal.
Ch’aqa chik rutzijol nawil pa cs.org/derechos
Musicalización: “Nan Tat”, K'oxomal Winaqil