Guión: Ri kich’ojib’al k’aslemal ri achamaq’i’, jun atowab’äl xjuch’ kuma ri tinamital pa ri juna’ 2007. Re wuj re’ nusöl chi qawäch achike ri k’o chi nikib’än chuqa’ ri man ruk’amon ta nikib’än ri chanpomanela’ chi ruya’ik kiq’ij ri kich’ojib’al ri qawinaq.
Ri mokaj tzij 37 richin re q’alajrisanem re’ ke re’ nub’ij.
1. Ri achamaq'i' k'o kich'ojib'al ruma richin nkiya' rejqalem ri jalajöj taq jikiwuj chuqa' ch'aqa' chik utziläj taq na'oj ri rujikib'an kik'in ri Saqamaq' o kik'in ri kitaqoxela' richin niya' kejqalem, runuk'uxik chuqa' rokisaxik. Chuqa' ri Saqamaq' tikikamelaj ki chi kiwäch ri jalajöj taqonem taq tzij chuqa' chi kiwäch ri ch'aqa' chik taq samaj ri enuk'un.
2. Ronojel ri man q'alajirisan ta kan chupam re jun Q'alajirisanem re’, majun chi ke xtimajon o xtuchüp kiwäch kich'ojib'al ri achamaq'i' ri nub'ij chupam ri jalajöj taq jikiwuj chuqa' ch'aqa' chik utziläj taq samaj ri enuk'un.
Re jun mokaj tzij re’ ja re’ nuq’ajuj: Chi ri chanpomanela’ xtikiya’ rejqalem ronojel ri atowab’äl e juch’un kik’in ri tinamït e qawinaq. Re jun taqonem tzij re’ man nuqasaj ta ruq’ij kich’ojib’al ri qawinaq we k’o wuj e juch’un chuwäch kan ruq’ijul xb’an re q’alajirisanem re’.
Ch’aqa chik rutzijol nawil pa cs.org/derechos
Musicalización: “Paxil Kyopa'”, K'oxomal Winaqil