2067 Massachusetts Ave Cambridge
(617) 441-5400

Ri Kich'ojib'al k'aslemal ri achamaq'i. Tanaj 46.

Primary tabs

Guión: Ri kich’ojib’al k’aslemal ri achamaq’i’, jun atowab’äl xjuch’ kuma ri tinamital pa ri juna’ 2007. Re wuj re’ nusöl chi qawäch achike ri k’o chi nikib’än chuqa’ ri man ruk’amon ta nikib’än ri chanpomanela’ chi ruya’ik kiq’ij ri kich’ojib’al ri qawinaq.

Ri mokaj tzij 46 richin re q’alajrisanem re’ ke re’ nub’ij.

1.  Ronojel ri man  q'alajirisan ta kan chupam re jun Q'alajirisanem re', xtiya' rutzijol achi'el ri nkajowaj jun Saqamaq', jun tinamït, jun molaj winaqi' ruma' k'o kich'ojib'al richin tikirel yek'oje' chupam ri jalajöj taq samaj, ruma k'o ri rusamaj ri rutaqkil wuj ri Tunuj Amaq' ri man e ütz ta, we nkitz'ët chi ri samaj tajin nib'an xa nuya' k'ayewal o xa numäj ri kitinamit o ri rub'eyal ri runa'ojil ri Saqamaq' ri nkinimaj kitzij ri tinamït chuqa' ri Saqamaq' ri nub'än rusamaj ri nrajowaj rija'.

2. Chupam rusamajixik ri ch'ojib'äl ri enuk'un chupam re jun Q'alajirisanem re’, xtikikamelaj ki’ chi kiwäch ri kich'ojib'al k'aslemal ri winaqi' chuqa' ri rejqalem ri kijamalil konojel ri winaqi'.  Rusamajixik ri ch'ojib'äl ri enuk'un chupam re jun Q'alajirisanem re’, mani niya' q'ij richin mani niq'at chuwäch ri taqonem tzij, chuqa', chuqa' ch'aqa' chik taq kisamaj ri tinamït ri e k'o juk'an chik ya' pa ruwi' ri kich'ojib'al k'aslemal ri winaqi'.  Majun xketz'ilöx ta chuqa'  xa xe ri e k'atzinel ja ri xtiya' rejqalem chuqa' xtikinimaj ri tzij chi rij ri ch'ojib'äl chuqa' ri kijamalil ri ch'aqa' chik winaqi', richin niya' jalajöj kejqalem ri kirayib’al ri tinamït ri akuchi' nkiya' junam kejqalem konojel ri winaqi'.

3. Ri runuk'ulem ri samaj ri ya'on rutzijol chupam re jun Q'alajirisanem re' xtiya' rejqalem achi'el ri nuk'un chupam ri taqonem tzij, ri junawäch, ri kamelanïk chi rij ri kich'ojib'al k'aslemal ri winaqi', ri junam kiq'ij ri ixoqi' chuqa' ri achi'a', mani ri tz'ilanem, ri ch'ajch'oj kisamaj ri molojri'ïl pa kiwi' ri tinamït, chuqa' ri utziläj k’aslemal.

Re jun mokaj tzij re’ ja re’ nuq’ajuj:

Pa rokisaxik re jun q’alajirisanem re’, man xtuxoch’ij ta ri ch’ojib’äl ri Saqamaq’ jikib’an chik pe, ke chuqa’ ri’ rik’in ri na’oj jikib’an ruma ri Kimoloj Amaq’i’.  

Re q’alajirisanem re’ rutaqen kich’ojib’al ri e qawinaq, ri ruk’amon nikib’än chuqa’ rutaqen ri man ruk’amon ta nikib’an ri qawinaq.

Ronojel ri ch’ojib’äl jikib’an chupam re q’alajirisanem re’ xtisamajïx pa rub’eyal ruch’ojib’al winaqilal, pa rub’eyal kikotemal.

Ch’aqa chik rutzijol nawil pa cs.org/derechos

 

Musicalización: “Ruk'u'x kotz'i'j”, K'oxomal Winaqil

Contact us