Guión: Ri kich’ojib’al k’aslemal ri achamaq’i’, jun atowab’äl xjuch’ kuma ri tinamital pa ri juna’ 2007. Re wuj re’ nusöl chi qawäch achike ri k’o chi nikib’än chuqa’ ri man ruk’amon ta nikib’än ri chanpomanela’ chi ruya’ik kiq’ij ri kich’ojib’al ri qawinaq. Ri rukaj mokaj tzij richin re q’alajrisanem re’ ke re’ nub’ij:
Ri achamaq'i' chupam ri rusamajixik ri kich'ojib'al chi rij rub'eyal ri kina'oj rije', k'o kich'ojib'al chi rij kichin o chuqa' tikirel rije' nkisamajij rub'anikil ri kina'oj rik'in ri kisamaj ri nkib'än chupam ri kitinamit, achi'el ri jalajöj taq moloj tikiya' pwaq richin tikirel nkisamajij ri nkajowaj ri winaqi'.
Re mokaj tzij re’ nuq’ajuj chi ri tinamït e qawinaq k’o kich’ojib’al chi kena’ojin pa rub’eyal ri kik’aslem. Tikirel nikib’än samaj chi ruk’iyirisaxik kipwaq pa ruk’waxik rub’ey kitinamit. Xa xe k’o chi tiya’ rejqalem ri nutaqej ri mokaj 46.1: Man tiq’ax chi tzij chi xa b’achike tinamït o Saqamaq’ tub’ana xa b’achike ri nuxolq’otij ruwujil ri Kimoloj Amaq’i’ chuqa’ man nel ta chi tzij chi nuya’ q’ij rub’anik itzelal chi re jun tinamital ri nutz’ila’ ri ruk’aslemal.
… man nuq’ät ta rub’anik, xa nuchilab’ej ri rukaj mokaj.
Ch’aqa chik rutzijol nawil pa cs.org/derechos
Musicalización: “Nan Tat”, K'oxomal Winaqil