Guión: Ri kich’ojib’al k’aslemal ri achamaq’i’, jun atowab’äl xjuch’ kuma ri tinamital pa rijuna’ 2007. Re wuj re’ nusöl chi qawäch achike ri k’o chi nikib’än ri chanpomanela’ chiruya’ik kiq’ij ri kich’ojib’al ri qawinaq.
Ri nab’ey mokaj tzij richin re q’alajrisanem re’ ke re’ nub’ij :
Ri winaqi' ri e achamaq'i', ruma rije' chuqa' e winaqi’, k'o chi yekikot chupam ronojel ri kich'ojib'al k'aslemal, chuqa' ri kijamalil ri ruya'on rejqalem ri rutaqkil wuj ri Tunuj Amaq' chuqa' Ruq'alajirisanem pa ronojel ruwach'ulew chi rij ri kich'ojib'al k'aslemal ri winaqi' chuqa' ri rub'eyal ri aj ruwach'ulew chi rij ri kich'ojib'al k'aslemal ri winaqi'.
Re jun mokaj tzij re’ nusöl chi qawäch chi ri e qawinaq junam kich’ojib’al kik’in xa b’achike tinamït, re ch’ojib’äl winaqilal re’, tikirel nasik’ij chupam ri ruq’alajrisaxik kich’ojib’al winaqilal chuqa’ chupam ri wuj kelesan ri Kimoloj Amaq’i’. Ri tinamït e qawinaq k’o kich’ojib’al pa ruwi’ ri k’aslem kan kichin wi rije, ronojel re’ xtisol qa rij chupam re q’alajrisanem re’
Ch’aqa chik rutzijol nawil pa cs.org/derechos
Musicalización: “Nan Tat”, K'oxomal Winaqil