Guión: Ri kich’ojib’al k’aslemal ri achamaq’i’, jun atowab’äl xjuch’ kuma ri tinamital pa ri juna’ 2007. Re wuj re’ nusöl chi qawäch achike ri k’o chi nikib’än chuqa’ ri man ruk’amon ta nikib’än ri chanpomanela’ chi ruya’ik kiq’ij ri kich’ojib’al ri qawinaq. Ri mokaj tzij 11 richin re q’alajrisanem re’ ke re’ nub’ij chi qe:
1. Ri achamaq’i’ k’o kich’ojib’al richin tikirel nkib’än ri jalajöj ojer taq k’utb’äl. Chuqa’ tikichajij chuqa’ tikik’iyirisaj ri xk’ulwachitäj ojer kan, ri wakami chuqa’ ri xtik’ulwachitäj apo chi rij ri kib’anob’al, ri k’oxtun b’anob’äl, ri k’ojlemal ri k’o kitzijob’al, ri k’ojlib’äl, jalajöj taq wachib’äl, ri xukulem, samana’oj, jalajöj ketamab’al ri akuchi’ tikirel natz’ët chuqa’ nach’ob’ ri kik’utb’al chuqa’ ri jalajöj kilema’ taq tzij.
2. Ri Saqamaq’ k'o chi nkikanoj rub'eyal richin nkiya' to'ïk, ri kimajon k'o chi nkitzolij, kesamäj junam kik'in ri achamaq’i’, rik'in ri kib’anob’al, ri ajpopoli’, nimab’äl k’u’x chuqa’ ri kuqub’ab’äl k’u’x ri xq’at chi kiwäch, majun xk’utux ta q’ij chi ke ri achamaq’i’, choj xmaj ri kitaqonem taq tzij, ri jalajöj kib’anob’al.
Re jun mokaj tzij re’ ke re’ nub’ij chi qe: ri tinamït e qawinaq k’o kich’ojib’al chi nkisamajij ri kib’anob’al chi man tikäm qa. Ri chanpomanela’ k’o chi nkitzolij chuqa’ nikiya’ rutojb’alil we k’o jun wachinäq nïm rejqalem majon chi ke xa man ütz ta rokisaxik ntajin nib’an chi re. Ri Saqamaq’ xtub’än re jun rub’eyal tojb’alil re’, xtuxïm ri samaj kik’in ri tinamït e qawinaq.
Ch’aqa chik rutzijol nawil pa cs.org/derechos
Musicalización: “Ruk'u'x kotz'i'j”, K'oxomal Winaqil