Guión: Ri kich’ojib’al k’aslemal ri achamaq’i’, jun atowab’äl xjuch’ kuma ri tinamital pa ri juna’ 2007. Re wuj re’ nusöl chi qawäch achike ri k’o chi nikib’än chuqa’ ri man ruk’amon ta nikib’än ri chanpomanela’ chi ruya’ik kiq’ij ri kich’ojib’al ri qawinaq.
Ri mokaj tzij 17 richin re q’alajrisanem re’ ke re’ nub’ij:
1. Ri winaqi' chuqa' ri achamaq'i' k'o kich'ojib'al richin nkokisaj ronojel ri ch'ojib'äl ri tz'ib'atäl chupam ri sik'iwuj chi rij samaj kik'in ri aj ruwach'ulew o chupam ri amaq'el.
2. Ri Saqamaq', rik'in kejqalem chuqa' kito'ik nkiya' ri achamaq'i', k'o chi nkikanoj rub'eyal richin yekichajij ri ak'wala' ri e achamaq'i', richin chi ri taq ak'wala' mani nkikanoj rub'eyal richin nkich'äk kipwaq, chuqa' ronojel ruwäch ri samaj ri nuya' k'ayewal o xa nuq'ät chuwäch ri ak'wal nuk'ul rutijonik, o nuya' k'ayewal rik'in ri raxnaqil o xa nuq'ät chuwäch ri ruk'iyirisanem ri ruch'akul, runa'oj, ri kuqub’ab’äl k'u'x, ri k'aslewinäq ri ak'wal, k'o chi yechajix chuqa' k'atzinel nkik'ül tinojïk ri ak'wala', ruma re jun chi ke ri kich'ojib'al.
3. Ri winaqi' ri e achamaq'i' k'o kich'ojib'al richin mani yetz'ilöx chupam ri kisamaj, chuqa' ch'aqa' taq k'ojlem, chupam ri kisamaj o ri kitojik.
Re mokaj tzij re’ ke re’ nuqajuj : ri e qawinaq chuqa’ ri tinamït e qawinaq k’o kich’ojib’al chi junam tib’an chi ke, man kejech’üx kan ri akuchi’ yesamäj wi. Konojel ri taqonem tzij aj wawe’ chuqa’ ri aj juk’an chik ke’okisäx kik’in ri qawinaq. Ri chanpomanela’ k’o chi nkixim samaj kik’in ri tinamït e qawinaq chi ri ak’wala’ man keya’öx pa jun samaj nub’än itzel chi ke o xa nuq’ät kiramaj richin yeb’e pa tijob’äl.
Ch’aqa chik rutzijol nawil pa cs.org/derechos
Musicalización: “Iyom- Mamom”, K'oxomal Winaqil