Guión: Ri kich’ojib’al k’aslemal ri achamaq’i’, jun atowab’äl xjuch’ kuma ri tinamital pa ri juna’ 2007. Re wuj re’ nusöl chi qawäch achike ri k’o chi nikib’än chuqa’ ri man ruk’amon ta nikib’än ri chanpomanela’ chi ruya’ik kiq’ij ri kich’ojib’al ri qawinaq.
Ri mokaj tzij 26 richin re q’alajrisanem re’ ke re’ nub’ij:
1. Ri achamaq'i' k'o kich'ojib'al richin nkokisaj ri ulew chuqa' ri to'ob'äl ri k'o kik'in o ri kokisan chik.
2. Ri achamaq'i' k'o kich'ojib'al ruma tikirel ntok kichin, chuqa' nkokisaj, nkik'iyirisaj chuqa' nkichajij ri ulew, chuqa' ri nkokisaj ri wachinäq chuqa' rik'in ri kib'anob'al o ch'aqa' chik taq b'anob'alil ri tajin nkokisaj, achi'el chuqa' ri rub'eyal kilon ri ch'aqa' chik winaqi'.
3. Ri Saqamaq' xtikiya' rejqalem chuqa' xtikokisaj ri taqonem tzij richin kichajixik ri ulew chuqa' ri to'ob'äl. Chuqa' k'o chi nkikamelaj ki’ chi kiwäch ri ojer taq k'utb'äl, ri jalajöj taq b'anob'äl chuqa' ri runuk'ulem ri kulew ri achamaq'i'.
Re jun mokaj tzij re’ ja re’ nuq’ajuj: Ri tinamït e qawinaq tikirel nkichinaj ye’ok rajaw ri kulew chuqa’ ruchajixik ri kulew. Ri chanpomanela’ k’o chi nkiya’ rejqalem re ulew re’ chuwa ri taqonem tzij chuqa’ xtikib’än samaj chi tiya’ rejqalem kina’oj ri qawinaq pa richinaxik ri ulew.
Ch’aqa chik rutzijol nawil pa cs.org/derechos
Musicalización: “Nan Tat”, K'oxomal Winaqil