Guión: Ri kich’ojib’al k’aslemal ri achamaq’i’, jun atowab’äl xjuch’ kuma ri tinamital pa ri juna’ 2007. Re wuj re’ nusöl chi qawäch achike ri k’o chi nikib’än chuqa’ ri man ruk’amon ta nikib’än ri chanpomanela’ chi ruya’ik kiq’ij ri kich’ojib’al ri qawinaq.
Ri mokaj tzij 29 richin re q’alajrisanem re’ ke re’ nub’ij:
1. Ri achamaq'i' k'o kich'ojib'al richin nkichajij ri rutikomal ri ruwach'ulew chuqa' rujotayil ri kulew chuqa' ri to'ob'äl. Ri Saqamaq' k'o chi nkinük' chuqa' tikisamajij jalajöj taq samaj pa kiwi' ri achamaq'i' richin njikib'äx ri kichajinem, mani k’a yetz'ilöx.
2. Ri Saqamaq' xtikikanoj jalajöj rub’eyal richin nkijikib’a’ chi mani yemuq wachinäq ri man e ütz ta chupam ri kulew ri achamaq’i’, k’o chi nk’utux na q’ij chi ke ri achamaq’i’ we nkajo’ o manäq.
3. Ri Saqamaq' chuqa’ xtikikanoj jalajöj rub’eyal richin nkijikib’a’ re samaj re’, toq tikirel, k’o chi nkisamajij jalajöj taq samaj richin nkichijij ri kiraxnaqil ri achamaq’i’ ruma ri itzel taq wachinäq muqun ri pa kulew we nuya’ k’ayewal chi ke ri achamaq’i’, jalajöj taq samaj xtinuk’ chuqa’ xtisamajix pa kiwi’ ri tinamït.
Re jun mokaj tzij re’ ja re’ nuq’ajuj: Ri tinamït e qawinaq tikirel nikich’ojij chi tichajïx ri kaq’ib’al, ri chanpomanela’ k’o chi yekito’. Man tiya’öx pa kulew xa b’achike wachinäq ri ruk’amon pe k’ayewal chi ke ri winaqi’, we niya’öx, k’o chi nik’utüx q’ij chi ke we nikiya’ q’ij. Ri chanpomanela’ k’o chi nkichajij ki’uxnaqil ri qawinaq tajin nkil k’ayewal ruma wachinäq ya’on pa kulew.
Ch’aqa chik rutzijol nawil pa cs.org/derechos
Musicalización: “Nan Tat”, K'oxomal Winaqil