Guión: Ri kich’ojib’al k’aslemal ri achamaq’i’, jun atowab’äl xjuch’ kuma ri tinamital pa ri juna’ 2007. Re wuj re’ nusöl chi qawäch achike ri k’o chi nikib’än chuqa’ ri man ruk’amon ta nikib’än ri chanpomanela’ chi ruya’ik kiq’ij ri kich’ojib’al ri qawinaq.
Ri mokaj tzij 36 richin re q’alajrisanem re’ ke re’ nub’ij.
1. Ri achamaq'i', achi'el ri winaqi' kijachon ki’ pa taq ruxalq'at ri tinamït ri e k'o juk'an chik ya', k'o kich'ojib'al richin nkichajij chuqa' nkik'iyirisaj ri jalajöj taq to'ïk, chuqa' ri samaj achi'el ri kuqub'ab'äl k'u'x, b'anob'äl, na'ojil, kipwaq ri kiwaqi', kik'in ri kiwinaq chuqa' kik'in chik ri ch'aqa' chik winaqi' ri e k'o juk'an chik tinamït.
2. Ri Saqamaq' kik'in ri kito'ik ri achamaq'i', xtikikanoj jalajöj rub'eyal richin tikirel xtikisamajij chuqa' xtikiya' rejqalem ri rokisaxik ri ch'ojib'äl.
Rej un mokaj tzij re’ ja re’ nuq’ajuj : ri tinamït e qawinaq kijachon ki’ ruma ruk’utb’alil jun amaq’, ri qawinaq tikirel nkich’ab’ej ki’, tikirel nkixïm ri kisamaj. Achi’el rub’anon ri maya’ tinamït e jachon ruma ri k’utb’alil rik’in Belice chuqa’ ri Iximulew, toq rub’anon kan majun wi kijachon ta ki’. Majun tiq’aton kichin man ja ta ri k’utb’alil tijachon kichin; ri chanpomanela’ xkeruk’ulb’ej ri qawinaq pa ruchajixik re jun ch’ojib’äl re’.
Ch’aqa chik rutzijol nawil pa cs.org/derechos
Musicalización: “Paxil Kyopa'”, K'oxomal Winaqil