Guión: Ri kich’ojib’al k’aslemal ri achamaq’i’, jun atowab’äl xjuch’ kuma ri tinamital pa ri juna’ 2007. Re wuj re’ nusöl chi qawäch achike ri k’o chi nikib’än chuqa’ ri man ruk’amon ta nikib’än ri chanpomanela’ chi ruya’ik kiq’ij ri kich’ojib’al ri qawinaq. Ri mokaj tzij 15 richin re q’alajrisanem re’ ke re’ nub’ij:
1. Ri achamaq’i’ k’o kich’ojib’al pa ruwi’ ri kiq’ijnem chuqa’ ri jalajöj kiwäch ri kib’anob’al, ojer taq k’utb’äl, rutzijol kik’aslem, chuqa’ ri rayib'äl tikirel nq’alajirisäx chupam ri tijonïk, chuqa’ chupam ri jalajöj taq rutzijob’al ri amaq’.
2. Ri Saqamaq’ xtikikanoj jalajöj rub'eyal, chuqa' k'o chi nkik'utuj chuqa' kito'ik chi ke ri achamaq'i' ri nkajo' yesamäj pa ruwi' ri ch'a'oj richin niq'at chuwäch ri tz'ilanem, chuqa' titz'uk ri koch'inem, 7 ri taqonem chuqa' ri utziläj taq taqab’anem chi kikojöl ri achamaq'i' chuqa' chupam ronojel ri ch'aqa' chik taq perej tinamït.
Re mokaj tzij re’ ja re’ nuq’ajuj: Ri tinamït e qawinaq tikirel nikich’ojij chi ri kib’anob’al tiya’ rejqalem chupam ri tijonïk. Ri chanpomanela’ xtikixïm ri samaj kik’in ri tinamït qawinaq richin kitijoxik ri man e qawinaq ta, richin ke ri’ niya’öx rejqalem kib’anob’al ri qawinaq, ke ta ri’ nichup ruwäch ri tz’ilanïk chi ke qawinaq.
Ch’aqa chik rutzijol nawil pa cs.org/derechos
Musicalización: “Ruk'u'x kotz'i'j”, K'oxomal Winaqil